Hamari Saansein Rawan Hain Jab Tak – Naat Lyrics

Hamari Saansein Rawan Hain Jab Tak

– Naat Lyrics

Hamari saansein rawan hain jab tak
Nabi ki madh-o-sana karen gy

Ragon me jab tak lahu rawan hai
Nabi Nabi hum sada karen gy

Zamany bhar ki har aik naimat
Unhi ke sadqy Khuda ne di hai
Gar Unki Izzat pe harf aaya
Hum apni izzat ko kya karen gy

Ragon me jab tak lahu rawan hai
Nabi Nabi hum sada karen gy

Jo dil se Namoos e Mustafa ko
Tum aaj bhe hirze jaan bana lo
To yaqeen kar lo hum nawai
Tmhari arzo sama karen gy

Ragon me jab tak lahu rawan hai
Nabi Nabi hum sada karen gy

Wo lakh pardo me chup ke bethy
To dhund le ga koi deewana
Yeh bhool jayen Nabi ke dushman
Ke chain se wo jiya karen gy

Ragon me jab tak lahu rawan hai
Nabi Nabi hum sada karen gy

Khud gawahh is ki qadr o qeemat
Ka ilm hoga baroz e mehshar
Jo apny bacho me aaj peda
Muhabat e Mustafa karen gy

Ragon me jab tak lahu rawan hai
Nabi Nabi hum sada karen gy

Nabi ka jo bhe gustakh hoga
Bura koi jo Unhy kahy ga
Wo sar salamat nahi rahe ga
Yeh baat hum barmala kahen gy

Ragon me jab tak lahu rawan hai
Nabi Nabi hum sada karen gy

Yeh deen o duniya ki sarfrazi
Jo chahty ho Khuda se apny
To sidqe dil se yeh ehd kar lo
Ky hum Nabi se wafa kren gy

Ragon me jab tak lahu rawan hai
Nabi Nabi hum sada karen gy

Khuda ne bheja hai Unko sarwar
Bana ke dono jahan ki Rehmat
Yeh jaan mili hai Unhi ke sadqy
Unhi ky sadqy fida kren gy

Ragon me jab tak lahu rawan hai
Nabi Nabi hum sada karen gy

Contributed by: Mubashir Saeed

(mubashirsaeed3@gmail.com)

Read More:

• Sukoon Paya Hai BeQasi Ne Hudood e Gham Se [Lyrics in Urdu]
• Sabz Gumbad Dekh Kar – Lyrics – Hafiz Tahir Qadri
• Aisa Koi Mehboob Na Hoga Na Kahin Hai – Naat Lyrics

Hamare Sansay Rawan Hain Jab Tak By Sarwar Hussain Naqshbandi